Преку нашите тури ги посетуваме сите диви плажи околу Трпејца

Денеска тимот на Кајак.мк ве запознава со нашиот нов локален херој Христијан кој заедно со својот тим од Fruity Sup Board организираат тури со СУП даски по Охридското езеро.

Христијан вели дека како најатрактивна тура која повеќето гости сакаат да ја користат е турата до Св Заум, а поаѓањето е од плажата Трпејца.

Овој регион нуди фантастични пејсажи и скриени места кои можете да ги уловите единствено доколку сте од езерската страна. За време на ваквите тури се посетува прекрасна дива плажа чив пристат е единствено по воден пат.

За време на турата се посетуваат изворите Тушемишта каде има извори со ладна вода, а за време на турата присутните добиваат доста безалкохолни пијалоци и ручек.

Покрај турата до Св.Заум, атрактивна тура е „Sunrise сесија“ или тура која се реализира рано наутро. Ова тура може да се реализира на локации каде ќе посакат гостите, а по фотосесијата се посетува црквата Св. Никола и околните диви плажи кои се наоѓаат во близина.

Fruity Sup Board е тим кој го соочинуваат млади и искусни луѓе кои веќе подолго време се во водите на Охридско езеро. Христијан вели дека како новитет во иднина ќе биде дводневната тура со ноќевање во шатори на прекрасна дива плажа во Трпејца.

Доколку сакате повеќе информации, фотографии и контакт за резервација кликнете ОВДЕ.