Пикник на Маврово со ChillOut

Ако се уште размислувате каде да прошетате во сабота на 24.07, предлог на Кајак.мк е да го посетите Старо Бачило. Нема ништо подобро од тоа да се возете на жичарница среде лето и да уживате во зелената природа додека се искачувате нагоре.

Бачилото има доста специфичен концепт на работа, а ова место преставува еден нов концепт на пикник, каде на гостите им се служи храна и квалитетна музика.

Она што го прави поразлично ова место се активностите кои менаџментот ги организира скоро секој викенд. Концептот е таков што ви го исполнува слободното време со разни активности.

Караванот кој го започнува еко бендот ChillOut, а кои е познато по акустичните преработки кои ги снимаат на планините, овој викенд ќе го посети „Старо Бачило“.

Уникатните акустични звуци ќе бидат само надополнување на се она што се нуди на бачилото, велат од бендот.

Она што го прави атрактивно Бачилото се повеќето начини на кој може да го посетите. Има неколку опции: Првата и наједноставна опција е со жичарница која работи во текот на летниот период, втората опција е со велосипед, потоа следува планинарење или пак со мото кросеви за љубениците на адреналинот. 

Старо Бачило е во постојана соработка со Ресорт Маврово, а може да се пофалат со организирање тури за планински велосипедизам со електрички велосипеди, а честопати знаат да поканат и спортски здруженија кои оддржуваат тренинзи, семинари и предавања поврзани со активниот туризам.

Тимот на Кајак.мк ви стои на располагање за тоа како да пристигнете до „Старо Бачило“ во сабота. Повеќе инфо на: 076 791 157.
За повеќе информации и фотографии, како и директна вибер комуникација со менаџментот на бачилото, кликнете ОВДЕ.