Викендица во село Очипала достапна за резервации

Ако не сте љубител на гужви и масовен туризам, тогаш помалите села во Македонија се вистински предизвик за вас. Таквите села се вистински предизвик и за тимот на Кајак.мк бидејќи отсекогаш сме настојувале да поттикнеме што е можно повеќе домаќини да ги отворат своите врати за нашиот свет и да докажеме дека среќата е онаму каде ќе стекнете нови пријателства, ќе слушнете нови приказни и ќе научите нешто ново во вашиот живот.

Дали некој од вас слушнал за село Очипала? Ова селце е оддалечено 5 километри од Делчево на 600 метри надморска височина. Недалеку од селото постои пештера која е достапна за посетители, а регионот нуди можност за посета на водопади, јавање коњи и секако дегустирање на локална храна.

Храна може да дегустирате во етно компексот „Чардак“ кој веќе подолго време е дел од нашата база „Гасторномија“, а во склоп на комплексот од денеска можете и да резервирате престојување.

Сместувањето се наоѓа во јовановското маало на Очипала, опколено со густа дабова шума, ливади и чист воздух.

Домаќинот Дамјан кој ни ги отвори вратите вели дека ова сместување има капацитет до 6 лица.

Објектот има Wi-Fi, што ви дава одлична можност да ја преселите вашата он-лајн канцеларија на село.

Доколку сакате повеќе информации, фотографии и контакт за резервација, кликнете ОВДЕ.