Куќа во село Велгошти во која можете да престојувате

Базата на Кајак.мк го добива своето 470 уникатно сместување. Нашиот тим е среќен што наскоро ќе заокружи вкупно 500 сместувања кои можете да ги резервирате дирекно преку нашата платформа. Нашата цел е 2023-та година да ја заокружиме со над 600 уникатни сместувања кои ќе ви гарантираат еден поинаков престој и дефинитивно ќе ве запознаат со област која досега можеби никогаш не сте помислиле дека можете да ја доживеете преку престојот.

Покрај сместувањата, нашата база има вкупно 150 гастро предлози за тоа каде да го поминете вашиот викенд уживајќи во добра храна и на одлична локација. Денеска ве водиме во село Велгошти, во дворчето на „Етно куќата Св. Петка“ која како гастро дестинација веќе одамна е дел од нашата платформа. Денеска домаќините одлучија да ги отворат своите врати и за патувачите на Кајак.мк кои се во потрага по сместувања.

Станува збор за еден апартман кој има брачен кревет и аголна гарнитура на развлекување. Простран апартман кој е идеален за едно семејство или два пара.

За оние кои размислуваат што би правеле во село Велгошти, тимот на Кајак.мк ги советува да го посетат манастирот Св. Петка, оконите цркви и да уживаат во прекрасната природа користејќи ги обележаните пешаки патеки.

Повеќе информации, фотографии и контакт за резервација од сместувањето можете да најдете со еден клик ОВДЕ.