Успешните експерименти за органска козметика ме поттикнаа да отворам моја козметичка кујна

Во светот на Кајак од денеска ни се приклучува уште една локална хероина од Прилеп, чие име и е Моника Евтимоска.

Моника по професија е економски техничар, но нејзината пасија и љубов ја истура врз органската и природна козметика која започнала да ја изработува пред пет години или како што ни вели таа, од моментот кога почувствувала потреба од квалитетен производ.

Продавницата на Моника од денеска е дел од нашата „Eco-online бакалница“ каде може да направите нарачка на нејзините производи. Продавницата можете да ја погледнете со еден клик ОВДЕ.

Моника се сеќава на детските денови. Како мала секогаш се воодушевувала на начинот на кој се изработувале природните масла од лаванда, парфемите и сапуните. Отсекогаш сакала да ги посетува продавниците за природна козметика низ туристичките места и градови.

Она што ја поттикнува да започне со производство на природна и органска козметика е причината што не може да го најде соодветниот производ за нејзината сува и атопична кожа.

Таа вели дека на почетокот започнала да произведува нешто “специјално“ за нејзе, но за брзо време веста за квалитната козметика брзо се шири и започнуваат да и се јавуваат нови нарачки од блиските пријатели и роднини.

Ја запрашавме дали се сеќава на првиот производ кој го изработила, а на тоа Моника ни одговори дека првите производи кои ги изработила биле од суровини кои ги имала во домот и со помош на нејзината креативност и потпомогнато од стручна литература  го создава првиот експеримент производ, за кој Моника вели дека бил успешен и дека рецептот за путерчето кое го создала го користи и ден-денес.

Ваквиот успех ја убедува да се запише на акредитирана школа за органска козметика во Англија и да се надогради во своето знаење.

Денеска, таа има своја “козметичка кујна“ каде ја истакнува својата креативност создавајќи квалитетни и уникатни производи за нега на лице и тело.

Она кое денеска може да се најде во нејзината палета на производи се сапуните за лице и тело, сите со различен состав изработени според потребите и типот на кожата, путерот за тело, кремите за лице, пилингот за лице и тело, балзамот за усни и витаминскиот серум за лице. Секој од производите има и своја намена, дел се за деца во пубертет кои имаат проблематична кожа со акни, дел се за секојдневна нега на лице и на тело, а дел – против стареење и против бори на лице.

Доколку сакате да ја посетите нејзината продавница, кликнете ОВДЕ.