Скриеното сместување на Кајак кое освојува многу срца

Во нашата база оние кои честопати пребаруваат и бараат несекојдневни сместувања каде било во Македонија, сигурно ја имаат забележано вилата на Влаина планина која сама по себе го носи името „Вила Самовила“.

Доста од нашите патувачи кои веќе престојувале во вилата ги имаат споделено своите искуства со нас, па токму од ваквите причини нашиот тим одлучи да ви ја раскаже приказната за вила Самовила од поблиску.

Ние разговаравме со домаќинот Илчо кој несебично прифати да ги отвори своите врати за светот на Кајак.мк и да ни понуди едно поинакво искуство нам и на нашите патувачи.

Илчо вели дека објектот е граден во духот на традиционална архитектура на Пијанечко-Малешевскиот регион со камин и централно греење, со широк балкон/чардак/ и посебен летниковец со гарнирури за седење, езеро и природен базен, надворешна туш кабина на соларно греење, чешма со изворска вода, лулашки за возрасни и деца, како и мини плантажи со лековити и зачински билки.

Она кое најмногу им остава впечаток на гостите е прекрасната средина во која се наоѓа вилата. Планина и букова шума која за многумина е идеална комбинација за полнење батерии.

Честопати ние од Кајак.мк знаеме за потпрашаме, а што е она кое привлекува најмногу внимание во околината и кои се тие атракции кои може да им го исполнат слободното време на гостите.

Она што го добивме како совет од домаќините е секако  палеонтолошкиот музеј во село Стамер на 10 километри од сместувањето, природната реткост Кукоље/скаменети сватови/ кај село Нов Истевник и село Тработивиште на 20 километри. Недалеку е и манастирскиот комплекс Св.Илија на 3 километри, локалитетот Илин Камен за која се врзани бројни преданија и верувања, велосипедската патека Илин Камен -Насатица.

На само 1 километар преку обележана патека се излегува на местноста Обел со прекрасни планински ливади и неверојатен видиковец, а на 7 километри е врвот Планиница со единствената можност да се набере познатиот Габровски чај/кој единствено расте на Галичица, Ртањ во Србија и на планината Влаина.

Доколку сакате повеќе информации, фотографии и контакт за резервација кликнете ОВДЕ.