14.09.2021
Пораснавме во Сиднеј, но се одлучивме за фарма во село Зрзе
Пораснавме во Сиднеј, но се одлучивме за фарма во село Зрзе
Да се одгледува домашни животни е обврска, а не само задоволство. Меѓутоа за да уживаме во животот треба да ги извршуваме работните обврски кои не прават среќни. Со нашето мислење ќе се согласите откако ќе ја прочитате приказната за браќата Михаил и Кристијан, кои родени во Скопје и израснати во Сиднеј, Австралија се одлучиле да отворат своја фарма во село Зрзе, за кое селце велат дека е природниот рај на земјата.
Тимот на Кајак.мк ја прошири листата на локални херои кои прават мали нешта од огромно значење во развојот на туризмот, додавајќи ги Михаил и Кристијан, чија мотивирачка приказна ќе биде поттик за многу млади да го направат првиот чекор кон градењето на нешто кое ќе ги прави среќни.
Кристијан кој ни ја раскажа животната приказна и мотивот да се посветат на одгледување кокошки пуштени на отворени пасишта вели дека го одбрале селото Зрзе поради фактот дека нивната мајка Ружица потекнува од ова место, а кое е чисто и опколено со прекрасна природа.
Идеата да отворат сопствена фарма на која ќе се огледуваат кокошки пуштени на отворени пасишта дошла откако се одлучиле дека им треба здрав и посмирен начин на живеење. Што би рекле другите „живот на село”. Целта им била да се вратат на првобитниот начин на живот кој го живееле нивните предци, од посмирено темпо, здрава локална храна, чист планински воздух, изворска вода до помалку гужва.
За село Зрзе велат дека е доста чисто и има прекрасна природа, но додаваат дека овде се наоѓа и прекрасниот манастир Св. Преображение, кој е популарна атракција за туристите што значи добар потенцијал за развој.
Денес, нивната фарма е дом на кокошки, препелици и пајки, а во тек е изградба на бавчи на кои ќе садат зеленчук за нивна прехрана и храна за животните. Покрај кокошките и препелиците, наскоро започнуваат со производство на домашни јуфки, а за кои производи велат дека може да се купат директно од фармата, а наскоро и преку достава до Скопје.
Кристијан вели дека денот на фармата започнува од рано во зори. Во летниот период, ги пуштаат кокошките да излезат и да пасат на пасиштата во село Зрзе. За тоа време се подготвува храната и водата на сите животни. Во зависност од дневните обврски, се занимаваат со градежни активности, истражување на нови начини на работа за подобрување на целовкупниот квалитет на функционирањето на фармата и производите. Креирање содржини и комуникација на социјалните мрежи, кроење планови за иднина и ред други работи. Навечер кокошките ги затвараат во нивните топли живеалишта за да се одморат за утрешниот ден. Обожаваат да се цело време во акција, бидејќи само така ќе растат и напредуваат, смета Кристијан.
Двајцата браќа размислуваат на неколку идни проекти. Во план им е да воведат отворени денови за туристи, каде гостите ќе може да уживаат со домашен и здрав доручек, ќе дишат чист воздух и ќе уживаат во прекрасната природа.
И двајцата велар дека ќе продолжат да растат, бидејќи за нив ова е животна мисија. Производството на здрава храна за нив и за нивните потрошувачи, поддршка на локалната заедница и инспирација за младите и идни генерации се нивна животна водилка.
Нивните
активности може да ги погледнете на социјалните мрежи фејсбук и инстаграм. Од
ценовникот, па се до нарачки. Кристијан вели дека најмногу се посветуваат на
инстаграм и таму може да се воспостави добра комуникација.
Нивниот инста
профил е: @farmazrze
Фарма Зрзе може да ја надете и во нашата нова база „Гастрономија“ или со
еден клик ОВДЕ.
Коментари
-
Valentina Lembovska
17.09.2021 09:01
Bravo deca vi posakuvam mnogu uspeh vo rabotata
-
Ленка Павлова
14.09.2021 19:11
Браво за идејата, браво за реализацијата. Ви посакувам голем успех. Само едно ќе Ве замолам, не пакувајте ги јајцата во пластика, користете разградливи материјали.
Блог
Препораки
Прочитајте повеќе

Винските региони на Македонија: потенцијал за викенд туризам
Истражете го потенцијалот на винските региони на Македонија за викенд туризам. Откријте како природата, културата и локалната гастрономија создаваат автентични искуства за кратки патувања.

Дониравме 350 килограми храна за бездомни кучиња и ја реализиравме првата тура со бездомни кучиња на нашиот нов тим билдинг со Singular
Тим билдинг преку кој Дониравме 350 килограми храна за бездомни кучиња и ја реализиравме првата тура со бездомни кучиња

Тим билдинг на компанијата Immomates исполнет со многу предизвици и забава
Тимот на Кајак.мк повторно покажа дека тим билдинг настаните можат да бидат искуство за паметење!

Запознајте ја Верица - локалната хероина што создава чуда од епоксидна смола
Kajak.mk ги поддржува локалните херои кои со труд и креативност создаваат вредност во заедницата. Верица е една од нив – сметководителка по професија и уметник по душа, која со епоксидна смола создава уникатни предмети.

Зошто да изберете локален водич за вашите авантуристички излети во Македонија
Откријте зошто локалниот водич е незаменлив за авантуристички излети во Македонија. Безбедност, скриени патеки, културни приказни и максимално искуство за вашата тура.

Тим билдинг како стратегиска потреба: зошто современите компании не можат без него
Откријте зошто на секоја компанија ѝ е потребен тим билдинг и како професионалната организација на тим билдинг во Македонија може да ја зајакне комуникацијата, мотивацијата и културата во вашиот тим.