13.05.2021

Мојата цел е да го поставам Лесново на гастрономската туристичка мапа

Мојата цел е да го поставам Лесново на гастрономската туристичка мапа

На само два часа од Скопје се наоѓа Лесново. Дестинација која мора дефинитивно да ја посетите ова лето. Посетете го Лесновскиот манастир, атрактивните пештери и етно ресторанот „Лесновска Куќа“.

Денеска разговараме со домаќинот Коцев, чиј ресторан подготвува храна на традиционален начин. Коцев вели дека останал да работи и живее во Лесново, оти смета дека може да помогне во развојот на туризмот во овој регион.


За Кајак.мк вели дека приказната започнала од етно куќа која е трансформирана во ресторан со одлични специјалитети и со прекрасен поглед кон манастирот.

Коцев е добро запознаен со областа, за која смета дека наскоро ќе влезе под капата на УНЕСКО. Со години ги проучува пештерите во регионот и вулканските камења.


Според него, доколку туристите поминат еден ден поминат во Лесново ќе научат битна лекција. За оние туристи кои се прашуваат како би го поминале денот во Лесново, Коцев вели дека може да започнат од посета на манастирот, а потоа да го посетат и локалниот музеј во кој ќе научат многу за животот на луѓето на овие простори.


Фото: mojportal.mk

„Туристите најмногу се заинтересирани за пештерите кои во минатото служеле како ќелии каде престојувале голем број монаси. Според преданието, тие настанале кога локалното население ископувало руда. Подоцна овие пештери биле населени од пустиножители и испосници, кои во овој крај ги имало многу, вели тој.


Фото: Google/Tosee - Own work

Во една од пештерите тихувал пустиножителот Гаврил Лесновски, за кој денеска има изградено манастир.

Овие пештери денеска служат како мали светилишта со многубројни икони од кои се шири пријатен мирис на темјан.


Фото: mojportal.mk

Коцев вели дека покрај историјата, Лесново е идеална гастрономска дестинација. Она по кое е препознатл неговиот ресторан е специјалитетот од јагнешко и овчо месо под сач. Според него, храната мора да биде подготвена на традиционален начин како би можело да се задржи автентичноста.


Од денеска, секој ќе може да резервира гастрономско доживување во „Лесновска куќа“. Ваквата атракција која ја организира домаќинот Коцев е дел од нашата база, а истата за истата ќе можете да дознаете повеќе информации ОВДЕ.

Остави Коментар

Прочитајте повеќе

Колку мечки има во Македонија? Научниците го бараат одговорот преку ДНК

Колку мечки има во Македонија? За првпат започнува систематско генетско следење на кафеавата мечка, со примероци собрани во природата и современи ДНК анализи.

Колективно готвење за вкусен ноемвриски тим-билдинг во Вевчани!

Колективно готвење за вкусен ноемвриски тим-билдинг во Вевчани!

Ноемвриски рурален тим билдинг со TaskForce!

Ноемвриски рурален тим билдинг со TaskForce!

Недела на италијанската кујна во Скопје 2026: Гастрономија и традиција

Недела на италијанската кујна во Скопје 2026 носи гастрономски работилници, мастер-класови и презентации на италијанските регионални специјалитети.

Охридски аеродром во зимската сезона 2026/2027: Нови можности за туризмот

Охридски аеродром во зимската сезона 2026/2027 отвора можности за подобра поврзаност со европските градови и развој на туризмот во текот на целата година.

Македонија повторно изненадува: Антички мозаик откриен на локација за која малкумина знаат

Мозаикот во Пеленица кај Драчево открива нов дел од античката историја на Скопје. Откријте што пронајдоа археолозите.