Организираме џип сафари на Галичица

Летото не би било компетирано ако не искусите некоја од авантуристичките тури кои се организраат ширум Македонија. Без разлика дали сте заљубени во летањето, пливањето, велосипедизмот или ред други активности, едно ни е сосема јасно, а тоа е фактот дека секоја тура си носи свои уживања.

Дел од турите, започнавме да ги вклучуваме во нашите тим-билдинг понуди кои може да ги искористат сите компании во Македонија. Доколку вие и вашит тим сакате да ви организираме еднодневна или повеќедневна авантура низ Македонија, кликнете ОВДЕ за да го пополните формуларот.

Луѓето кои од денеска се приклучуваат на листата на Кајак.мк како локални херои кои прават мали нешта од огромно значење за развојот на туризмот се „Jeep Safari Galichica“.

Ние ќе ве запознаеме со Ристе Николовски кој е дел од целиот тим на луѓе кои ја претвараат Галичица во авантуристички парк.

Ристе ни раскажува дека причината која ги поттикнала да започнат со организирање на ваквите тури е љубовта кон природните убавини на Националниот парк Галичица. Отсекогаш размислувале како тие убавини да им ги престават на странците кои го посетуваат Охрид, а сето тоа преставување да биде на еден уникатен начин.

Се одлучиле да организраат сафари на Галичица, од причини што националниот парк поседува асфалтирани и неасфалтирани патишта и сето тоа може да се искомбинира во интересна авантура.

Ристе вели дека се вози по планински асфалтирани и неасфалтирани патишта, по скоро цела должина на националниот парк. За време на екскурзиите гостите може да го погледнат Охридското и Преспанското езеро од  височините на Галичица. „Тоа е како да го гледате светот на дланка“, вели Ристе.

Запрашан за тоа кој е најважниот момент на турите, Ристе додаде дека прекрасните пејсажи и разновидноста на растителниот, а и животински свет се нешто кое мора секој да го доживее. Галичица е еден од најубавите паркови во Македонија. Таа крие многу тајни, многу уникатни места и секако чист воздух.

Евелвацијата од почетната до највисоката точка на патувањето е 1000 метри. За време на ова искчување, групите прават попатни паузи каде имаат можност да направат прекрасни фотографии од светот на Галичица.

Доколку сакате да комуницирате со организаторите на ваквите тури, кликнете ОВДЕ.