Го напуштивме Скопје за да прозиведуваме чист и природен мед

Запознајте ја Весна Биљарска, жената која со својот сопруг одлучиле да го напуштат Скопје и да се преселат во Берово, градот познат по квалитетниот мед.

Приказната на Весна денеска се најде на платформата на Кајак, бидејќи има цел да ви докаже дека во Македонија се уште се произведува чист и квалитетен мед. Таа со својот сопруг барајќи начин за егзистенција одлучуваат да отпочнат бизнис со пчеларство во селото Владимирово.

Првите пчелни семејства ги купуваат во 2017 година, и ги позиционираат во атарот на село Владимирово која околината е доста чиста и богата со шума. За оние кои досега не слушнале за Владимирово, ова село се наоѓа во средишниот дел на општината Берово. Неговиот атар се издига до сртот на Малешевските Планини. Селото е ридско на надморска височина од 850 метри. Најголема површина од атарот на селото имаат шумите кои опфаќаат над 5500 хектари, што го прави ова подрачје идеално за одгледување пчели.

Фото од видеозаписот „Химна на Владимирово“

Планините во атарот имаат просторни површини под пасишта, големи комплекси со широколисни и иглолисни шуми, а има и доста површини под ораници. По речните долинки има и ливади. Сета полска површина скоро е обработлива, а долините по Брегалница и Селска Река делумно се ораници за градинарски култури, а остатокот се ливади.

Весна вели дека пределот изобилува со мајчина душуца, жалфија, бела детелина, фацелија, дива капина и трн, па се со дабова роса. Од наведените билки собираат нектар, а од дабовите дрва на кои се појавува медна роса е главната паша. Овој мед е мешавина од нектрот и модната роса. Таа вели дека медот којшто го произведуваат е 100 проценти природен и не содржи дополнителни додатоци. Бојата е темна и има вкус на карамела во која се мешаат атомите на чаевите. Ваквиот вкус го добива од дабовата роса која се појавува на листот од дабот, а која пчелите ја собираат.

Таа вели дека добрата посветеност во работата резултира со квалитет. Да се одгледуваат пчели не е едноставна работа. Годината има свои периоди кои со себе носат своја тежина. Од развојната прихрана на пролет, со третмани против болести, предовни прегледи на состојбата на заедниците, припрема за собирање мед и најубавиот и најтешкиот дел медоберот.

Тие се уште го користат рачниот начин на собирање и скадирање на мед во теглите и како што вели Весна не додаваат никакви дополнителни хемиски додатоци, ниту пак медот поминува низ термичка обработка. Суровиот мед се пакува и се продава.

Во моментот медот може да го купите од телефонскиот број 075450108, а во иднина ќе можете да го посетите и пчеларникот каде ќе може да дегустирате разни производи од мед и да си купите мед дирекно од кошниците.