Јавање коњи во дивините на Македонија

Ако некогаш сте помислиле дека сте искусиле сѐ, сетете сѐ дека треба да пребарате на платформата на Кајак.мк за нови предлог атракции кои можеби ќе ја променат вашата перцепција за тоа како ја доживувате Македонија.

На Кајак.мк можете да запознаете секакви луѓе, млади, повозрасни, весели, палави, авантуристи, професионалци, смирени луѓе кои ја бараат тишината или пак луѓе кои ја креваат прашината. Сите луѓе кои секојдневно ги апсорбираме на платформата живеат со истата цел и визија, а тоа е Македонија да прерасне во туристичка приказна каде активниот туризам и поддршката на локалното население од страна на туристите ќе биде на прво место.

Ние сме луѓе кои постојано сме во потрага по локалците кои за нас прават мали нешта од огромно значење во развојот на туризмот. Таквите луѓе нам ни даваат надеж дека Македонија ќе биде тоа што заслужува.

Денеска, сакаме да ве запознаеме со Дурсим Рушани од село Бозовце, кој за нас е уште еден од луѓето кои праваат мали нешта од огромно значење во развојот на туризмот.

Дурсим е водич и организатор на коњичкиот клуб „Бозовца“ кој веќе подолго време организира тури низ дивината на Шара, а преку кои тури можете да ги погледнете сите природни убавини на големата планина, како и да вкусите традиционална локална храна.

Дурсим вели дека клубот располага до 15 до 20 коњи. Во сезоната се организират три тури низ Шара, кои некои се пократки, а некои се подолги тури.

Една од дестинациите кои се посетуваат за време на турите со коњи е Лешница или како што многумина ја нарекуваат, оазата или срцето на Шар планина. Оваа дестинација до пред пандемијата беше позната за малкумина, но денеска може да се сретне поголем број на активни туристи кои ја посетуваат. Сместена е длабоково пазувите на планинскиот масив и е преполна со бујни ичисти планински реки, бучни водопади, стрмни падини и густа шума.

Оние кои ќе се одлучат да ја посетат Лешница ќе може ги фотографираат Кривошијскиот водопад, како и прочуените Кривошијски кади за кои сме пишувале на Кајак.мк

Ваквите тури може да ви бидат од огомно едукативно значење, затоа доколку сакате повеќе информации и контакт за резервација на некоја од турите, кликнете ОВДЕ.