Прекрасни бунгалови опколени со многу зеленило на Охридско езеро

Тимот на Кајак.мк денеска ве води во близина на Елшани, каде веднаш над автокампот Елешец и обграден со заштитената убавина на Националниот парк Галичица, се наоѓа уште еден комплекс бунгалови и апартмани кои од денеска се достапни во базата на Кајак.мк.

Комплексот се состои од четири модерно опремени објекти кои вклучуваат четири студиа и еден фамилијарен апартман со две спални соби. Секој апартман има своја кујна, купатило, бесплатен интернет, ТВ, и сопствен балкон, овозможувајќи ви да уживате во приватноста и удобноста на вашиот простор.

За оние кои сакаат да се дружат, терасата на комплексот ви нуди можност да уживате во пијалоци, сладолед и лесни ужинки додека гледате кон впечатливите пејзажи кои ја опкружуваат оваа идилична локација. Без разлика дали сте љубител на вода или планина, оваа локација е совршеното место за секого. Од тука може да излезете на пешачење, трчање или велосипедизам по разгранетата мрежа од локални патишта.

Културните и историски атракции како Заливот на коските се само на кратко возење. Важно е да споменеме дека Карали е место каде домашните миленици се исто така добредојдени. Вашите миленичиња можат слободно да уживаат во вашето друштво без дополнителна грижа.

Доколку сакате да погледнете повеќе фотографии, информации како и да испратите барање за он-лајн резервација, кликнете ОВДЕ.