За првпат на Кајак.мк: Сместување во Богомила!

Откријте го првото сместување во село Богомила кое сега можете да го резервирате преку Кајак.мк – автентичен апартман сместен во срцето на ова рурално планинско село.Совршен за љубителите на природата, истражувачи и семејства, апартманот нуди удобност, топлина и традиционален македонски амбиент. Опремен со се што ви е потребно – од целосно функционална кујна до Wi-Fi и слободен паркинг, овој простор е идеално појдовно место за прошетки до изворите на Бабуна, Солунска Глава и локалните манастири.

Фотографија преземена од Скопјеинфо.мк

Богомила е едно од највпечатливите села во Македонија, не само поради природната убавина, туку и поради богатото културно и историско значење. Една интересна работа е дека од ова село потекнува и фамилијата на славниот македонски револуционер Петар Поп Арсов.

Фотографија преземена од Википедија

Селото е опкружено со планини и има директен пристап до реката Бабуна, која со своите извори, вирчиња и околни шуми нуди вистинска оаза за љубителите на природа. Особено популарна е рутата кон Солунска Глава, еден од највисоките и најимпресивни врвови во централниот дел на Македонија, што го прави селото омилена дестинација за планинари и велосипедисти.

Доколку сакате да погледнете повеќе информации, фотографии како и да направите резервација кликнете ОВДЕ.