Подготвивме 75 новогодишни пакетчиња на предновогодишен тим билдинг

На предновогодишниот тим билдинг, тимот на Кајак.мк направи нешто поинакво – наместо класична забава, организиравме хуманитарна работилница на која заедно подготвивме 75 новогодишни пакетчиња.

Овие пакетчиња ќе ги израдуваат дечиња од прво до петто одделение во основно училиште во општина Гевгелија и претставуваат наш прв тим билдинг со јасна општествена цел.

Проектот го реализиравме заедно со нашиот клиент Жито Пром, чии производи се дел од секое пакетче. Покрај тоа, вработените имаа можност лично да напишат новогодишни честитки за децата, со што секое пакетче доби и човечка, топла порака. Во нив се најдоа и други производи, како и мал новогодишен украс од Кајак.мк.

Веруваме дека ова е добар пример како компаниите можат да излезат од рамките на вообичаените новогодишни прослави и да внесат вистинска вредност, радост и смисла во тим билдинг активностите.

Ваквите предновогодишни, општествено одговорни тим билдинзи што ги организира Кајак.мк имаат за цел да создадат поинаква атмосфера за вработените – атмосфера што инспирира, поврзува и носи двострано задоволство: и за тимот, и за заедницата.