Планинска вила на Плачковица идеална за друштвени уживања

Добиваме се повеќе и повеќе уникатни планински вили во кои вреди да поминете барем еден викенд со вашето друштво. На почетокот на ова четиво ќе го истакнеме оној битен момент со кој се соочуваме во моментот, а тоа се резервациите за Нова Година. Искрено, нам ни е до некаде и жал дека повеќето домашни патувачи го гледат новогодишниот термин како единствен термин за патување и изнајмување на сместувачки објект во Македонија. Затоа би сакале да ви потенцираме дека секој викенд во годината може да ви биде за уживање и патување, ако ги имате до себе вистинските луѓе.

Затоа имајте предвид дека ваквите уникатни вили може да бидат достапни за вас во било кој период од годината.

Оваа вила се наоѓа на планината Плачковица, во непосредна близина на хотелот Бел Камен. До самата вила има асфалтиран пат, а времето изгубено во возење до самата вила ќе се задоволи со прекрасната природа и мирот кои ги гарантира овој предел.

Вилата има капацитет за 10 лица, располага со 3 спални соби, дневен простор и кујна. Простран двор и апсолутна приватност. Доколку сакате повеќе фотографии и информации кликнете ОВДЕ.