Од бројки до мозаици: Креативен тим билдинг во Берово

Кој вели дека економистите не се креативни и посветени на уметноста? Ние од Кајак.мк го велиме токму спротивното, а како аргумент ги приложуваме овие прекрасни фотографии од последното тим билдинг дружење што го организиравме за вработените од секторот финансии на познатата и омилена дрогерија „dm“. Тим кој покажа дека бројките и креативноста одлично одат заедно!

Токму овој тим беше дел од нашата прва работилница за создавање магични мозаици од стар рециклиран текстил. Опкружени со прекрасната беровска борова шума, топлото септемвриско сонце, добра музика и уште подобра енергија, учесниците создадоа свои уникатни мозаици и ни докажаа дека за креативност е потребна само добра атмосфера и малку инспирација.

Но, ова беше само јаготката на шлагот од целокупното тим билдинг патување. Заедно го реализиравме и нашето последно CINEMA SUMMER OPEN AIR NIGHT за оваа сезона – филм под отворено небо, во свежата беровска вечер. Не дека се збогуваме со киното, напротив! Само што со доаѓањето на постудените денови, филмските вечери ги селиме во топли и загреани простории. А покрај киното и спа уживањето, тимот имаше можност да ја доживее Беровштината и од седло, со прекрасна тура со јавање коњи низ планината Обозна и пределите на Малешевијата.

Ваквите тим билдинг патувања за нас имаат многу поголемо значење од само дружење. Кога компанија како „dm“ избира локални искуства, локални домаќини, активности и дестинации во Македонија, таа директно ја поддржува локалната туристичка економија. А истовремено докажуваме дека за прекрасни тимски спомени не мора секогаш да патуваме далеку – Македонија има природа, луѓе и искуства кои вреди да ги доживееме.