Винарија Тристо: Идеална винска дестинација за вашиот следен тим-билдинг

На платформата Кајак.мк ќе најдете еден куп предлог места кои може да ги вклучите во вашите тим-билдинг агенди. Довербата на Кајак.мк расте пред се поради фактот дека ние дирекно ве конектираме со домаќините, сопствениците, винарите и луѓето кои прават мали нешта од огромно значење во развојот на тризмот.

Денеска сакаме да ве запознаеме со уште една мала микро-винарија која има годишно производство од 15.000 до 20.000 шишиња вино, а за која домаќините на винаријата велат дека е отворена како хоби, отколку да има таргет за некој константен раст и освојување нови пазари.

Меѓутоа, Кајак.мк за винарија Тристо, може да сподели со вас информација дека е идеално место за организирање еднодневни тим-билдинг вински дегустации. Винаријата Тристо денеска произведува 4 вида на вино и две пенливи вина. Видовите на вино се: Тристо Шардоне, кое се произведува и во барикирана форма, Тристо Каберне совињон барик, Тристо Розе и Тристо куве. Карактеристично за сите вина е што се произведуваат од сопствено грозје.

Исто така, Винарија Тристо произведува и две пенливи вина и тоа бело и розе пенливо вино, кои исто така се произведуваат од сопствено грозје.

Винарија Тристо постои од 2007 година, а во склоп на винаријата има дегустациска сала која е со капацитет до 40 лица. Винаријата често знае да организира вински тури и дегустации кои се спроведуваат на принцип со претходно закажување.

Доколку сте заинтересирани да стапите во контакт со винаријата, кликнете ОВДЕ.