Уникатна вила на брегот на Охридското езеро

Еј друштво! Дали ви треба пауза од работа? Можеби неколку дена да побегнете во вила која се наоѓа на самиот брег на Охридското езеро? Доколку и вие размислувате ко нас, тогаш наш совет е да резервирате престој во вила Десанка.

Среќни сме што денес ве запознaваме со домаќината Ивана, која ги отвори вратите од својата вила за светот на Кајак.мк. Нејзината вила се наоѓа во населбата Езерски Лозја која е помеѓу Струга и Охрид. Од градот Охрид е оддалечена 10 километри, а од Струга е 4 километри.

Овој објект е лоциран на самиот брег на Охридското Езеро, со панорамски поглед на езерото. За вилата може да кажеме дека ќе ве плени со раскошната природа и гостопримливост. Вила Десанка работи скоро 30 години, а низ годините таа создава приказна во која главен акцент се става на едно поинакво патување, велат домаќините.

Таа е сплет од  трацидионалното и модерното. За патувачите кои бараат мир и тишина, вилата го нуди спокојот во раскошната градина со автентичен амбиент, многу цвекиќа и зеленило.

Вилата е на самиот брег на езерото, со уредена плажа пред вилата (слободна за влез, без лежалки и чадори). Водата е чиста, со постепена длабочина погодна за капење на деца. На неколку минути од вилата може да се стигне и до останатите плажи уредени со лежалки и сламени чадори.

За да биде уживањето уште поубаво, во дворот има неколку гарнитури со маси и клупи за седење, лежалки за сончање и  нишалка. Шеталиштето  до езерото од вилата ве води до патеката за пешачење и велосипеди и завршува во Струга.

На само неколку километри од Струга, со прекрасна местоположба, дозволува да бидете далеку од вревата и бучавата, а сепак блиску до културните случувања и настани. Во непосредна близина на вилата се наоѓа ресторан, две продавници, АС кампот, Еуротел, патека за пешачење до Струга, патека за велосипеди до Струга.

За љубителите на активниот туризам, вилата е одлична појдовна точка за посета на Вевчани, Радожда, Националниот Парк Галичица, планината Јабланица и многу други. Од културните настани, овде се: Струшките вечери на поезијата, ДримОн фестивалот, Езерски бисери, Green Beach фестивалот и спортскиот натпревар Struga Poetry Run.

Ви звучи ова супер за еден активен одмор? Доколку сакате повеќе информации, контакт и фотографии, тогаш кликнете ОВДЕ.