Вилата на Попова Шапка изолирана со огромни елки е достапна за изнајмување

Еј друштво патувачи! Кајак.мк ве запознава со една доста уникатна вила која има типичен планински ентериер, а надворешниот изглед не можете ни да го забележите бидејќи вилата е целосно изолирана со високи планински елки. Поубаво чувство не може да има. Нели?

Вилата се наоѓа на Попова Шапка, ски центар кој во моментот има масовна посетеност од страна на македонските туристи. Ски центар кој прв ја започна својата работа ова година, а во моментот функционира беспрекорно.

Јануари, февруари и март се месеците кога треба да ја посетите Попова Шапка, совет од Кајак.мк е доколку сакате да престојувате таму, резервација да извршите уште денеска, бидејќи капацитетите на ски центрите се исполнуваат со добра динамика. 

За они кои се уште бараат сместување, ние ви ја преставуваме вилата 156, која се наоѓа во ски населбата на Попова Шапка, а која вила за нас е одлична за бегство од градскиот метеж.

Внатрешното уредување на вилата е од дрво, како што и доликува на една планинска куќа. Вилата има два спрата, а на вториот спрат има пространа тераса на која може да уживате со вашето кафе или топол чај. 

Она што нам ни се допаѓа е фактот дека вилата е оддалечена само 600 метри од скијачките терени. Недалеку од вилата има рестора и кафуле, идеални места за исполнување на слободното време. 

Престојувањето на Попова Шапка е незаменливо деновиве кога има снег. Прекрасните пејсажи, прекрасниот панорамски поглед кон ски стазите кои сјаат од сонцето се она што треба да ве купи за да резервирате престојување овде.