Во близина на селото Клечовце се наоѓа рибниот ресторан Фрателис Визиана

Доколку размислувате каде да го поминете вашиот слободен викенд и да вкусите нови специјалитети, тимот на Кајак.мк ве информира дека во нашата база на „Гастрономија“ ќе најдете еден куп уникатни гастро дестинации на кои можете да уживате со вашите најблиски.

Нашата цел е до самиот последен ден од постоењето на Кајак.мк како информативно-туристичка платформа да ве запознаеме со сите дестинации во Македонија, кои за нас значат туризам.

Денеска ве водиме во селото Клечовце, кое селце се наоѓа во околината на Младо Нагоричане или на околу половина час возење од Куманово. Во регионот на Клечовце ќе најдете многу атракции кои може да го исполнат вашиот ден, овде се наоѓа коњичкиот клуб „Виспер“, како и селското домаќинство Невена. Во нашата база на приватни сместувања ќе најдете и сместувања во овој регион кои дел од нив имаат приватни базени, а дел опкружени со зеленило и шума.

Овде се наоѓа и рибниот ресторан Фрателис Визиана кој е сместен во близина на изворот Визиана, во прекрасен амбиент изграден како ранч со прекрасно хортикултурно уредување. За луѓето кои сакаат пролетно време и зеленило, ова дестинација ќе им се виде како вистински рај на земјата. Како рибен ресторан, најпознати специјалитети овде се цементиран сом и крап, како и белата пастрмка приготвена на скара.

За точната локација, повеќе фотографии како и контакт за резервација можете да најдете со еден клик ОВДЕ.