Предлог викенд дестинација за риболов и вкусна риба

Од почетокот на постоењето на платформата Кајак.мк до денеска, добивме многу коментари од професионални рибари дека честопати ја користат нашата платформа за да дознаат за нови места и локации ширум државата каде ќе може уживаат во рибарењето.

Рибарите се едни од нашите редовни читатели и патувачи, затоа одлучивме денеска да ги запознаеме со уште едно уникатно езерце во Македонија и уникатен ресторан кој треба да биде на листата на викенд патувања.

Тимот на Кајак.мк разговараше со Лидија, која е домаќинка на рибниот ресторан Гого-Монд кој се наоѓа на самиот брег на малото езерце богато со крап, штука, сом, клен и црвеноперка.

Рибниот ресторан се наоѓа во околината на Ранковце, а до него ќе пристигнете по патот од Куманово кон Крива Паланка, каде 4 километри после клучката за Кратово продолжувате по тампониран пат уште 300 метри и пристигнувате до ресторанот.

Ресторанот постои веќе 20 години, а се започнува со езерото кое денеска се наоѓа во склоп на ресторанот и кој се користи за риболов бидејќи е богато со разновидни видови на риба. Прекрасната и живописна природа е онаа кое му дава автентичност на местото. Храната пак се готви на традиционален начин.

Доколку го посетите рибниот ресторан, тимот на Кајак.мк ви дава предлог да вкусите прак на кременадли и црвена пастрмка приготвени на традиционален начин.

Повеќе фотографии, точна локација на мапа и контакт за резерација можете да најдете со еден клик ОВДЕ.