Ексклузивно на Кајак.мк: Нова дрвена куќичка на Влаина планина

Во базата на Кајак.мк пристигнува уште една уникат куќичка, сосема нов објект, пуштен во уптреба денеска!

Дрвената куќичка се наоѓа во регионот на Делчево, односно на самиот пат кон граничниот премин со Бугарија, кој регион мораме да истакнеме дека доста се развива туристички и каде веќе има многу сместувања кои можете да ги резервирате преку Кајак.мк.

Куќичката има две одделчни спални соби и дневен престој од 45 метри квадратни. Едната спална соба е со брачен кревет и еден единечен (во посебна просторија со врата за целосна приватност), а во другата спална соба има два брачни кревети и еден единечен кревет (во посебна просторија за целосна приватност).

Домаќините ги дизајнираа вака спалните соби, како би можеле да им овозможат на две семејства пријатели кои сакаат заедно да престојуваат.

Куќичката има комплетно опремена кујна со прибор, шпорет, фрижидер. Има Wi-FI, што ви овозможува да ја преселите вашата канцеларија во природа.

Самиот предел има патеки за шетање во борова шума, на 6км е Делчево каде се наоѓа езеро Сандански за риболовци, на 15км е планина Голак и на 30 километри веќе е Благоевград каде имате доста избор за шопинг.

Повеќе информации, фотографии, како и опција за онлајн резервација можете да најдете со еден клик ОВДЕ.