Еден тим билдинг со 4 работилници

Тимот на Кајак.мк е искрено среќен што официјално ја отвори 2026-та година со еден навистина успешен тим билдинг настан, реализиран и покрај наносите од снег на улиците и отежнатиот превоз. Кога има желба, енергија и вистински луѓе – ниту зимата не е пречка.

Сите уникатни моменти секогаш ќе се паметат, а овој јануари ни подари токму такви спомени.

Годината на тим билдинг настани ја започнавме со реализација на четири автентични работилници, исполнети со креативност, традиција и заедништво. Учесниците имаа можност да се запознаат со светот на микробилките, да учествуваат на час по готвење на селско јадење, кое заврши во фурна и беше послужено на заедничка трпеза за ручек, да месат и обликуваат на работилница со македонски тестенини, како и да се забавуваат на работилницата за декорирање на бардачиња, симболично наречена „Свадба е голема“.

Јануари е студен, непредвидлив и снежен месец, но за нас беше месец на топли моменти, насмевки и еден навистина необичен и успешен старт на годината.

Голема благодарност до Гете Институт за укажаната доверба, позитивната енергија и прекрасната атмосфера која ни ја донесоа токму во срцето на зимата.
2026 започна онака како што најмногу сакаме – со луѓе, приказни и искуства што се паметат.