Вила со базен и поглед кон златното охридско зајдисонце

Изминатите денови мора да признаеме дека сонцето ги покажа своите заби. Сигурно и вие посакувате да сте на некое крајбрежје додека се враќате назад од работа. Она што како статистика го тврди тимот на Кајак.мк е дека пребарувањата на приватни сместувања кои се наоѓаат покрај вода или пак поседуваат приватни базени се зголемени за 35% во споредба со претходниот месец. Жешко е нели?

Ние како тим кој вешто ги наоѓа најдобрите и уникатни сместувања во Македонија може да се пофалиме дека од денес дел од базата на Кајак.мк е вила Стефан во Рача која располага со приватен базен покрај кој може да уживате во златното зајдисонце над Охрид.

Околу вилата има недопрена природа што овозможува во вечерните часови да има струење на прекрасен свеж воздух. Вилата располага со базен кој има солена вода и компјутерско филтрирање на истата. Околу базенот има лежалки и чадори за непречено уживање и сончање. Во склоп на вилата има фурна со скара и ѓомлезарник, а исто така има и шанк со фрижидери кој можат да го користат гостите за чување на своите пијалоци додека уживаат покрај базенот.

Рача е област кое нуди одличен панорамски поглед кон Охридското езеро. Рача е најчесто избор на луѓето кои бараат одмор со стил и уникатно уживање. За да престојувате во Рача, треба имате предвид дека ви е потребен автомобил за да поаѓате на плажа. Овој предел е доста баран поради височината која ја има и поради факот дека овде воздухот е секогаш посвеж.

Доколку ви треба повеќе информации, фотографии и контакт за резервација, кликнете ОВДЕ.