Коронавирусот почнува да слабее во Европа

Европските земји кои се најтешко погодени од Ковид-19 тврдат дека болеста полека почнува да ги покажува првите знаци дека го губи својот замав, пишува https://www.slobodenpecat.mk/

Вирусот буквално стигна во секој „ќош“ од светот, и притоа половина од луѓето на планетата ги затвори во своите домови, а повеќе од 70 илјади лица починаа како последица од ова смртоносно заболување.

Foto: Markus Spiske

Британскиот премиер Борис Џонсон во текот на вчерашниот ден беше хоспитализиран поради влошената здравствена состојба, а кралицата Елизабета се обрати до нацијата по петти пат од нејзиното крунисување во 1953 година, со говор во воен дух притоа споредувајќи ја сегашната ситуација со времето од Втората светска војна.

Но, причини за умерениот оптимизам има и во најголемите жаришта во Европа, во Италија каде последните 24 часа имаше најмал број на починати во изминатите две недели, како и Шпанија каде бројот на жртви бележи пад веќе трет ден. И во Франција вчера беа регистрирани најмал број жртви во изминатите седум дена.

Извор: https://www.slobodenpecat.mk/
Cover photo: Nathan Van de Graaf