Лабунишките езера: Предизвик за сите авантуристи

Покрај фактот дека доаѓаат студени месеци, нашиот тим ви дели интересни совети за оние кои се сепак авантуристи во душата. Нашите совети како што и самите знаете се секогаш поткрепени со информацијата дека планината не треба да газете сами, барајте планинарски водичи кои ќе ве водат низ неа. Меѓу другото, понесете кеси за отпадоци.

Денеска ве запознаваме со Амер Демиши, чии фотографии се негови ремек дела, а чии совети за авантуристичко кајакарство во месец ноември на Лубанишко езеро (доколку грее сонцето) се наша инспирација од него.

Многумина кои ја посетиле планината Јабланица, се воодушевени од убавината на оваа планина. Некои ја сметаат за наша најубава планина. Планината е фасцинантна во секое годишно време: разликата е само во колоритот, боите и доживувањето.

Можете да појдете со добро опремено возило, а можете и да се одлучите за пешачење, но имајте предвид дека дневната светлина ни се намалува.

На планината се наоѓаат четири леднички езера и тоа Вевчанско односно Вевчанска локва, Подгоречко и Горно и Долно Лабунишко езеро.

На Лабунишките езера можете да кајакувате, во зависност од кое говишно време ќе го посетите, а можете и да кампувате. Нашите предлози не ги правете сами, доколку немате никакво искуство со планината, секогаш изнајмувајте со вас планински водич, а воедно контактирајте ги и планинарските друштва кои организираат искачување на врвовите и тури низ целата земја.

Ноември е месец кога започнува да паѓа снегот на повисоките места, затоа внимавајте и на временската прогноза доколку се одлучите да ги посетите езерата.