Произведувам домашни сапуни благодарение на она што го има во природата

Денес ја запознавме Петранка од Миравци, Гевгелиско. По професија фармацевтски техничар. Идејата да започне со производство на домашни сапуни е долгогодишна приказна, за која биле потребни време, обука и вистинските состојки од природата.

Нејзините производи можете да ги нарачате со еден клик ОВДЕ.

За да се изработи еден сапун потребно е соодветна опрема како калапи, различни масла и состојки. Откако една смеса ќе биде направена, за сапунот да ја добие потребната цврстина потребно е време да се стегне во самиот калап. Со доволно љубов и трпение, Петранка добива уникатни сапуни, соодветни за секој.

Како главни состојки се користат масла, кокосово, рицинусово, козјо млеко и она што природата има да ни го подари во соодветно годишно време.

Во моментот имаме три вида на сапуни кои помагаат на сите оние со иритации на кожата, сувост и останати кожни проблеми.

За повеќе информации околу производите и нарачки можете да ја посетите нашата бакалница со еден клик ОВДЕ.

На нашиот тим му беше чест и задоволство да се запознае со еден поинаков процес на производство на природна козметика, знаејќи дека секоја состојка која Петранка ја користи, истовремено ја чува и негува и животната средина.

Кога ќе го погледнам крајниот производ, добиен од чисти природни состојки, и пред се задоволството на оние кои ги користат, чиста и негувана кожа, чувството е прекрасно. Тоа ме инспирира за нови идеи и нови сапуни. - вели Петранка