Викендица во Маврово која честопати ја посетуваат елен и срна

Денеска ќе ве запознаеме со уште една прекрасна викендица која домаќините ја нарекуваат „Патека на елените“ поради фактот дека во самото дворче честопати поминуваат еден елен и срна, а нивните траги ги поттикнале да ја преименуваат ова сончева викендица по нивната невообичаена активност.

Домаќинката Оли вели дека викендицата се наоѓа на прекрасно место каде постојано ја грее сонце, опкружена е со прекрасна шума и нуди прекрасен поглед. Од самиот двор госите имаат поглед кон потопената црква и кон ски стазите.

Преку лето дворот и околината се доста зелени. Зеленото и тревно дворче има многу цвеќиња, кои при летен нежен ветер ја замирисуваат сета околина на лаванда. Домаќините додаваат дека вилата е во доста мирна и тивка област и поради таа причина животните овде се чуствуваат побезбедни и честопати знаат да поминат. Што се однесува до дивиот свет во националниот парк „Маврово“ домаќините се надеваат дека животни ќе има во се поголем број и дека ќе расте свеста кај народот за заштита на животинскиот свет.

За оние коишто сакаат да побегнат од градскиот сообраќај и сивилото на градот, Маврово е идеално место за одмор.

Викендицата е на два спрата. На првиот спрат има дневна, кујна и трпезарија како заеднички простор, две спални, во едната спална има брачен кревет, а во другата спална има кревет на развлекување, купатило и тераса.

Вториот спрат е поткровје кое е целосен отворен простор и има капацитет за 4 лица. Во него има брачен кревет и два единечни кревети. Во отворениот широк простор има дел кој се користи за дневен простор, а преграден дел со ново купатило и туш кабина.

Доколку сакате повеќе информации, фотографии и контакт за резервација, кликнете ОВДЕ.