Дали знаете дека во Македонија има дрвени куќички со панорамски поглед на Охридско Езеро?

Сите уникатни и ексклузивни места низ Македонија секогаш можете први да ги дознаете на Кајак.мк. Денеска ве водиме во Горна Белица, планинско село сместено на 1440 метри надморска височина, каде природата, тишината и погледот кон Охридското Езеро создаваат доживување кое тешко се заборава. Токму тука се наоѓаат модерните А-фрејм дрвени куќички, создадени за вистинско бегство од секојдневието.

Повеќе информации, фотографии и опција за резервација можете да најдете со еден клик ОВДЕ.

Со својот панорамски стаклен поглед, топол ентериер и планинска атмосфера, куќичките нудат совршен баланс помеѓу комфор и природа. Секоја куќа располага со галерија со брачен кревет, дневен престој со софа на развлекување, комплетно опремена мини кујна, Wi-Fi, TV и двор од 800 м² кој нуди мир, приватност и простор за целосно уживање.

Она што ова место го прави уште поатрактивно е неговата локација. Во близина се наоѓаат планинарски и велосипедски патеки, патот до врвот Црн Камен, природни глечерски езера, како и можности за параглајдерство и зимски активности. Вевчани е оддалечено само 6 километри, додека Струга и Охридското Езеро се на кратко возење од вилите.

Овој планински рај е идеален избор за парови, семејства и сите оние кои сакаат викенд исполнет со чист воздух, неверојатни изгрејсонца и вистински мир. Ако барате место каде утрата започнуваат со поглед кон езеро, а вечерите завршуваат покрај огниште под ѕвездено небо, тогаш Горна Белица е вашата следна дестинација.

Повеќе информации, фотографии и опција за резервација можете да најдете со еден клик ОВДЕ.