Престојувајте во македонска традиционална “кујна“

Пандемијата ги отвори очите и го промени мислењето на многумина за здравиот начин на живот, поточно за тоа колку многу значи физичката активност и здравата исхрана. Здравата и природна исхрана е конзумирање разновидна и по можност што помалку обработена храна.

Не за џабе постарите велат дека: Се што е од земја е здраво! Но покрај разновидноста на храна, важен е и начинот на приготвување на храната.

Денес во базата на Кајак додаваме уште еден објек познат како „Пансион Кутмичевица“ во Вевчани, каде што приоритет на менаџментот е здравата и домашна храна.  Станува збор за објект која во склоп на ресторанот има соби за сместување.

Со престојувањето овде ќе го осетите етно стилот, а гостопримството кое ќе го добиете ќе ве натера да се чувствувате како да сте дома. Вкусната храна што ќе ја дегустирате ќе ви остане во сеќавање и ќе ве потсети на специјалитетите на вашите баби.

Вевчани е познато по “сопствените пасоши” и Вечанскиот карневал кој се одржува на Василица, а овде се и Вевчанските извори. Секако еден ден одвојте за да ги посетите Вевчанските извори! За вевчанци, изворите се нешто за што вреди да се гине.

По посетата на овие извори препорачуваме во вашето слободно време да појдете до селото Горна Белица кое се наоѓа во областа Дримкол, западниот дел на општина Струга. Селото е планинско и е мошне на високо. Надморската височина му изнесува 1.420 метри.

Пансион Кутмичевица се наоѓа во општина Вевчани во горниот дел на селото што пружа прекрасен поглед кон околните планини, села, Охридското езеро, Струга и Охрид, Повеќе информации за сместувањето ОВДЕ