Изнајмете го ранчот од 10 декари на Беровското езеро: Идеален за бегство!

Тимот на Кајак.мк секојдневно слуша и раскажува нови приказни поврзани со луѓето и местата каде што тие живеат. Преданијата, легендите, митовите но и вистината, се она што го оддржуваат туризмот да живее. Изминатите месеци, дознавме и промовиравме многу нови места, многу нови луѓе кои ќе го трансформираат туризмот во 2021-ва година.

Наскоро ќе ја прошириме нашата база и со предлози за патување и сместување во соседна Грција, Бугарија, Србија и Албанија, но дотогаш останува да се надеваме дека пандемијата ќе не ослободи од нејзините канџи.

Земајќи предвид дека во Македонија се уште има места и луѓе за кои не сте слушнале, нашиот тим си дава обврска да копа што е можно подлабоко се со цел да ги пронајде сите оние кои заслужуваат да бидат дел од туристичката мапа во Македонија.

Денеска разговаравме со Славчо од Берово. Сопственик на ранчот „Фета“ кој може приватно да го изнајмите и да престојувате во него колку што ќе посакате. 

Нашето прво прашање беше зошто ранч, а веднаш по него зошто и „Фета“.

Неговиот имот е го носи епитетот ранч бидејќи дворот и земјиштетот кое е оградено околу вилата е повеќе од 10 декари. Славчо вели дека во дворот се чувствува мирот. Тишината, чистиот кислород и звуците на природата. Според него, тоа е главниот фактор што го става Берово на туристичката мапа. 

Вилата е именувана како „Фета“. Доколку прво нешто на кое ве потсеќа овој збор е познатото сирење, тогаш не грешите. Според преданијата, фета сирењето како што вели Славчо има корени од овој регион. Легендата вели дека во отоманската империја во регионот на беровското езеро живеела турчинка. Турчинката пронашла ранет војник кој и служел на некоја европска земја, турчинката немсто да го убие започнала да го лекува со овча кожа. Кога војникот бил целосно излекуван, таа го пуштила да се врати дома, но не со празни раце туку со маја за сирење. Од таа маја било произведено првото фета сирење. Оттука, вилата на Славчо е именувана како „Фета“.

Вилата има огромен простран двор, балкон и детско катче во дворот. Располага со приватен паркинг, опремена и реновирана да одговара на потребите на гостите. Вилата е идеална за семејства кои сакаат да ги прошетат своите деца во природа.

Доколку сакате да погледнете повеќе информации, фотографии како и контакт за резервациија, кликнете ОВДЕ.