Престојувајте во етно куќа во селото со најубавите градски куќи

Буково е нова дестинација во базата на Кајак.мк каде ќе можете да изнајмите доста уникатно приватно сместување. Станува збор за реконструирана стара автенчтична куќа која е позната како „Попоска Куќа“.

Куќата се наоѓа во битолското село Буково, кое многумина го нарекуваат како селото со најубавите градски куќи.

Кога сте во оваа село мора да прошетате по тесните сокаци со градски куќи кои ќе ви дадат чувство дека се наоѓате на Широк Сокак. Она кое го прави уникатно оваа селце е местоположбата, а таа е на планината Баба.

Во Буково има околу 250 куќи и 4 цркви, а многумина кои го посетиле селото, повртоно се вратиле во него. Овде има несекојдневна архитектура. Селски кривулести улици со градски куќи, градби стари преку 100 години, а селото е инспирација на многу филмаџии. На овие простори се режирани сцени од филмот „Сенки на Балканот“.

Буково е на оддалеченост од 5 километри од Битола, на надморска височина од 770 метри. Бо непосредна близина на селото се наоѓа археолошкото наоѓалиште на античкиот град Хераклеја, кој е основан од Филип 2 Македонски.

„Попоска Куќа“ има повеќе двокреветни соби кои се опремени со единечни или брачни кревети. Сместувањето го препорачуваме на туристи кои сакаат да уживаат во тишината, да истражуваат и да научат нови работи и информации за регионот и селото.

Доколку сакате повеќе информации, фотографии и контакт за резервации, кликнете ОВДЕ.