Вила на Попова Шапка: Сокриена во борова шума и идеална за снежни денови

На Попова Шапка имаме многу снег! Белина и убавина! Еко тимот на Кајак.мк ви препорачува престојните викенди да го посетите ски центарот и да се уверите дека и во Македонија може да се ужива во зимските спортови. Денеска ве запознаваме со викендицата на Пуљо. Опколена со борова шума и прекрасен поглед, а сместена во мирна и тивка област. 

Вилата е идеална за љубителите на скијањето. За оние кои не се запознаени, Шапка е една од омилените дестинации кај скијачите. Се карактеризира со голем број на сончеви денови во текот на целата година и со снег од ноември до мај. Зимско-рекреативниот центар е одалечен 18 км од Тетово, 53 км од Скопје. Од Тетово води асфалтиран пат кој поминува низ попатните шарпланински села. 

Во вилата може да се сместат максимум до 8 лица, а целата куќа има 5 кревети и едно купатило со тоалет.