Карантинот ме запозна со макрамето, мојата втора опсесија

Пандемијата поттикна многу жени во државата да го искористат своето слободно време во карантинот и да започнат со ново хоби кое кај некои од нив поттикна љубов и им помогна да се пронајдат во нови светови. Нашиот тим ве запознава со Снежана Попова од Охрид која по професија е музички професор, а во слободно време се бави со плетење на макраме.

Снежана вели дека тешкотијата од карантинот, самото затварање дома, ограничувањето на социјалниот живот, домашните и училишните обврски кои станаа преголем терет и дале причина да бара нови начини како да се ослободи од сето ова.

Започнала да гледа креативни видеа на јутуб и веднаш се заљубила во макрамето. Првиот чекот и бил набавка на макраме конец со кој започнала да експериментира. Сега е преокупирана со ова домашен занает кој и носи дополнителен приход.

Снежана вели дека макрамето и македонскиот етно елемент би биле одличен спој доколку ги искомбинираме правилно. Макраме техниката не потекнува од македонските простори, туку доаѓа од Стариот Исток, нуди многу различни начини на изработка, а доколку се вметнат боите на македоснкиот фолклор би се добила одлична комбинација, вели Снежана.

Снежана не се сомнева дека макрамето може да пробуди интерес кај туристите. Охрид како летен туристички центар, заедно со езерото е во добра комбинација со бохо стилот. Ваквите украси би се прилагодиле совршено на летните тераси на рестраните и хотелите, како и на самите плажи.

Таа е фокусирана на промоција на нејзините производи со цел да ги запознае сите со она што го работи. Има план да учествува на многу престојни базари на рачни изработки, но и да има производи од секаков вид во секое време.