Промовираме планински туризам и се надеваме дека ќе допре до секој млад човек

Додека надвор студот коси, дел од туристите го користат одморот за да прошетат низ Македонија, а дел чекаат да се отворат повторно границите, тимот на Кајак.мк ве запознава со екипата од четири момци кои неуморно движат во рамки на “затворената природа“ во време на пандемијата. Познати по својот инста профил @timelessviews.mk.

Тајмлеси е екипа од четири момци (за сега) -  Џоле (фотограф), Џоџо (gopro снимател), Борис (хајкер) и Алекс (уредник). Како што ни велат тие, секој со свој мерак и пасија. Основоположник на оваа #велолепна иницијатива е Џоле(Стефан Б.), а за кратко време се приклучиле и останатите.

Момицте велат дека идејата да започнат со ваков проект ја добиле барајќи „погледи за кои вреди да се живее“. Откако започнале да патуваат низ Македонија, се решиле да крекираат и профил наречен Timeless views.

Профил преку кој ќе може да ги мотивираат сите млади да излезат од дома и да бидат повеќе активни.

Мотивацијата ја создаваат многу едноставно. Се искачуваат на врвот на планината и прават фотографии на кои се гледа “целиот свет“. Мотивација плус е слободата, чистиот воздух, фотографијата и доброто другарување.

За нив главниот мотив е недопрената и за жал неприкажана убавина која е насекаде околу нас во оваа наша прекрасна држава. Патуваат бидејќи сакаат да прикажат дел од прекрасните места во Македонија но и да поттикнат други да уживаат како нив.

Преку фотографијата го промовираат планинарски туризам а ќе продолжат и со снимање на „хајкинг“ креативни видеозаписи. Во иднина се надеваат дека ќе ја прошират екипата и ќе создадат колектив од авантуристи, фотографери и сниматели.

На нашето прашање кои им се омилени места во Македонија, одговорот е ваков:

• ЏОЏО: Солунска глава

• ЏОЛЕ: Национален парк Галичица

• АЛЕКС: Љуботен, Шар Планина

• БОРИС: Пелистер, Баба Планина
  
  

Ова се топ 3 локации за пост-ковид во Македонија:

• Титов Врв

• Лешница

• Голем Кораб

Кои дестинации надвор од Македонија ги препорачувате на нашите патници?

• Национален парк Пирин

• Национален парк Јосемити (Yosemite) 

• Pico de Arieiro - Madeira, Portugal