Отцепена викендица на Равна Река достапна за резервации

Среќни сме што се повеќе домаќини се одлучуваат да ги отворат своите врати за светот на Кајак.мк во кој царува едно поразлично движење кое ја дише новата ера на туризмот во Македонија. Среќни сме што се повеќе патувачи се одлучуваат да го честуваат животот преку активен туризам, пешачење, запознавање локални херои и давање поддршка на локалната економија.

За оние кои досега немаат слушнато за „Равна Река“, би сакале да ви споделиме неколку реченици кои ќе ве потикнат да го контактирате Александар и да резервирате престој во неговата вила.

Равна Река е позната по пехчевските водопади кои се наоѓаат на ова поднебје. Областа се наоѓа под самата македонско-бугарска граница кај Ченгино Кале, каде се наоѓаат изворите на реката Брегалница. Посетителите овде може да уживаат во уредените пешачки и велосипедски патеки, а во центарот на населбата се изградени исто така и терени за фудбал, ракомет, одбојка и слично.

Она што го прави уникатно ова место е буковата шума, во која се наоѓа и вила Александар. Вилата е оддалечена околу 10 километри од центарот на Пехчево, што значи дека гостите може да одвојат од своето време и да го посетат градот. Вилата е идеална за фамилијарни патници кои сакаат мир, тишина и чист планински воздух. Доколку сакате повеќе информации за сместувањето, фотографии и контакт, кликнете ОВДЕ.