30.03.2021

Се враќа назад во своето село во Албанија и започнува туристичка приказна

Се враќа назад во своето село во Албанија и започнува туристичка приказна

Нашиот туристички сервер не би бил комплетен ако не ги раскажуваме и приказните на локалните херои од соседните земји кои треба да ни бидат причина да ги посетиме престојното лето. Тимот на Кајак.мк е радосен што расте бројот на корисници на серверот нашиот сервер, а се надева дека веќе поттикнал промени во размислувањето на многу патници за начинот на патување. 


Нашата цел е да ве запознаеме со луѓето кои создаваат туризам, бидејќи позади секоја добра туристичка приказна, стојат уморни раце. Причината за патување во престојната година не ја гледајте во себе, гледајте ја во луѓето кои вложиле се за да ви ни ги направат животите поубави.


Денеска ќе ви ја раскажеме туристичката херојска приказна на  Алтин Пренга кој на свои 15 години ја напушта Албанија бегајќи од сиромаштија.

Алтин е роден во Фишта, село кое и денес живее од земјоделство и сточарство. Тој заедно со своето семејство го напушта домот кога имал само 15 години, бидејќи тогаш животот бил многу тежок за некој кој потекнува од земјоделска фамилија.


Заминува и расте во странство. Како што изминувале годините тој се повеќе се запознавал и го изучувал кулинарството. Во Италија научил како подготвува храна, како да преработува млеко, сирење и италијанско месо. Научил како да подготвува и мармалади. Со тек на време тој се повеќе осеќа страст кон готвењето и се решава да продолжи со градење на своја приказна. 


Во 2009-тата година Алтин се одлучил да се врати назад во Албанија и во родното село да отвори „Slow Food“ ресторан кој ќе се наоѓа во типична рурална област и кој ќе ги почитува албанските вредности и традиции.


Прави реставрација на стар албански објект на кој додава модерни елементи кои идеално се вклопуваат во целата приказна. Неговиот ресторан денеска го носи името „Мризи и Занаве“ и важи за доста популарен објект во северот на Албанија. Ресторанот денеска е дел од светските гастрономски туристички мапи.


Целта на Алтин била да создаде оптимизам кај локалното население да не го напуштат регионот, бидејќи без локалните земјоделци и локалната економија неговиот агро-туристички бизнис нема да постои.

Водејќи се од мотото „Think locally, eat globally“ за кое вели дека не го измислил туку дека е животна филозофија, Алтин денес работи со 400 земјоделски семејства со традиционални вредности од нивните поколенија. Овие семејства секојдневно му доставуваат на диви билки, калинки и млеко.  


За нашиот тим Алтин е модерен херој кој го ризикува успехот на Запад за родниот крај. Во „Мризи и Занаве“ се чусвствува италијанскиот дух кој Алтин го стекнал додека живеел во странство, но албанската гостопримливост има доминантно значење.


Селото Фиште каде што е отворен ресторанот се наоѓа во областа на Задрима, родниот крај на албанскиот национален поет Gjergj Fishta. Селото е одалечено само 45 минути возење од границата со Црна Гора, а половина час од познатата бреговита песочна плажа. Регионот Задрима е познато по своето културно наследство, како и по локалното вино Калмет.


Алтин одвај чека Албанија да се приклучи на Европската Унија. Неговите деца се родени во Европа и тој сака тие да растат во европска Албанија со европски стандарди од земјоделието и руралниот развој.

За него Мризи и Занаве е остварен сон, едно убаво кулинарско искуство. Горд на тоа дека ги вреднува работите кои Албанија ги нуди.

Остави Коментар

Коментари

  • Кајак Тим

    03.04.2021 21:35

    Емилија Митреска, продолжете да не следите, во текот на наредиот период ќе имаме уште многу информации од Албанија, Црна Гора, Србија и Грција

  • Емилија Митреска

    03.04.2021 19:26

    Одличен блог! Италијански Slow food ресторан во наша соседна земја, одличен предлог за посета!

Прочитајте повеќе

Најстарата винарија на Балканот се наоѓа во Демир Капија

Доаѓа период на виното и хармонија. Предлог на Кајак.мк за викенд патување

Во Кадино се отвори нов хотел со спа, фитнес и бар со панорамски поглед

NEST Suites во Кадино со свој спа и фитнес центар и Rooftop bar.

Јас сум Борче Стојков и произведувам вино кој може да си го дозволи секој

Денеска ве водиме во селото Стањевци, селце кое брои само 40 жители. Селото е одалечено 40 километри од Свети Николе и е на надморска висина од 500 метри.

За првпат во Македонија: Се отвори Комитски Конак во село Плешенци

Комитскиот конак во село Плешенци е уникатна приказна која започна да се испишува.

Нова планинска куќа во село П’клиште

Станува збор за нов објект кој има концепт на планински дом, со опремени соби за ноќевање, заедничка кујна, дневна просторија за дружба и простран двор со изградена фурна.

Се отворија новите дрвени планински куќички во Крушево

Планинските крушевски конаци ги отворија своите врати за гостите на Кајак.мк.