Предлог гастро викенд: Преспанско сонце во Долно Дупени

Денеска гастрономската база на Кајак.мк ја збогатуваме со уште една попатна станица која може да биде ваше омилено место за ручек со најблиските. Тимот на Кајак.мк ве води на крајбрежјето на Преспанско езеро, поточно во село Долно Дупени каде што се наоѓа локалната меана „Преспанско Сонце“.

На самиот пат којшто води до последната плажа на езерото, од самата десна страна ќе ве пречека знакот на „Преспанско Сонце“ во мирен и тивок амбиент опколен со дрвца и ниви.

Ресторанот има затворен и отворен дел, а отворениот простор е незаменлив во текот на пролетните и летни денови. Овде можете да вкусите апсолутно се од македонската кујна. Како предјадења на располагање ви е овчото сирење, макалата, сармите, тиквичките и друго, а како локални специјалитети овде можете да нарачате преспански крап, преспанска белица, ѓомлезе, зелник или разно месо приготвено во фурна.

Повеќе информации за точната локација, како и контакт за резервација можете да најдете со еден клик ОВДЕ.