Во Македонија има дрвена планинска куќичка изолирана во прекрасна природа

Откријте го скриеното богатство на македонската планинска идила со вашето следно авантуристичко бегство во село Вирово (демирхисарско), од каде што Кајак.мк ви ја презентира оваа целосно нова и уникатна дрвена куќичка.

Домаќините кои ни ги отворија своите врати за светот на Кајак.мк велат дека целта од изнајмувањето на куќичката е да ги одморат своите гости од сите вести, мобилни телефони, интернет конекција со брзиот и динамичен свет. Вилата е уредена во старински етно стил со јамболии, дрвени масички и столчиња, како би им го доловила вистинскиот планински амбиент на гостите.

Оваа вила е идеална за луѓето кои сакаат да поминат еден викенд во природа, а домаќините истот така велат дека може да им организираат џип сафари тури на своите гости до Еврејка на Плакенска планина каде што има фурна и каде што на гостите им се приготвува домашна храна. На самиот врв се гледа Преспанското и Охридско езеро.

Куќичката е сместена во мирот на планинското село Вирово. Опремена со удобен брачен кревет и дополнителна софа, оваа викендица е совршено скривалиште за четири авантуристи кои бараат изолација од градскиот живот. Со мини шпорет и фрижидер на располагање, вашето искуство во готвењето ќе биде топло и домашно, додека климатизираната атмосфера обезбедува удобност за сите сезони.

Petrovskyz — сопствено дело, Познатата „рупа“ (ќумурџилница) во селото Вирово

Куќичката нема wi-fi, што ветува вистинска пауза од секојдневието, поттикнувајќи ве да се поврзете со природата. Овде има добра мрежа, а до самото селце Вирово и до самата куќичка има асфалтен пат.

Petrovskyz — сопствено дело Поглед на селото Вирово

Сместувањето во оваа планинска куќичка не е само престој; тоа е патување низ историјата и природата, пружајќи ви уникатни приказни. Повеќе информации, фотографии, како и опција за онлајн резервација можете да најдете со еден клик ОВДЕ.