Новиот стадион во Кина е еден од најголемите во светот!

Бидејќи Кина ги олеснува ограничувањата од коронавирусот, во ек е изградба на фудбалскиот стадион во форма на „лотос“ кој ќе чини 1,7 милијарди американски долари, а ќе биде наменет за Гуангжу Евергранде, еден од најдобрите тимови во суперлигата на Кина.

Стадионот „Евергранде“ кој ќе има 100.000 седишта се предвидува да биде отворен во 2022 година. Градежните работи започнаа во четвртокот.

Кина е насочена кон прераснување во фудбалска суперсила во последните неколку години, привлекувајќи странски фудбалски ѕвезди од Европа и Јужна Америка.