12.01.2023

Го реновиравме планинарскиот дом кој го промовира Витачево во најдобро светло

Го реновиравме планинарскиот дом кој го промовира Витачево во најдобро светло

Можеби оваа е нашата најпозитивна и најмотивирачка приказна на Кајак.мк од почетокот на  2023-та година. Среќни сме што како платформа имаме прилика да ве запознаме со планинарскиот дом „Дедо Ило Јанчев“ кое како сместувачки капацитет (од денеска е дел од платформата) веруваме дека ќе ја добие својата слава во текот на 2023-та година.

Истражувајќи го подножјето на Кожуф планина, нашиот караван пристигна во Горни Дисан, село кое е оддалечено 12 километри од Неготино и распослано на 580 метри надморска височина.


Селото се наоѓа на источната падина од висорамнината Витачево и од левата страна на изворишниот дел на Дисанска Река. За разлика од околните места во неготинскиот регион, во околината на Горни Дисан има доста шума која изобилува со даб, цер, бука, бреза, како и зимзелени и нискостеблести грмушки. Во комбинација со реката која е силен и непресушен извор, овој предел е идеален за активен туризам и релаксирани прошетки во текот на цела година. Од тимот на Кајак.мк, ви гарантираме дека посетата на селото и прошетката низ околината ќе ве направи импресионирани туристи во сопствената земја.


Но за да бидат импресиите уште поголеми, овде се планинарските патеки и патеките низ виногорјето на Витачево, кои ги оддржува планинарското друштво „Free Hikers“. Ние разговаравме со Ахмед Муратов, човекот кој неуморно придонесува во развојот на локалниот туризам и промоција на Горни Дисан.

Ахмед е долгодишен планинар и член на планинарското друштво „Free Hikers“ кои го оддржуваат и реновираат планинарскиот дом „Дедо Ило Јанчев“. За Кајак.мк, Ахмед е новиот локален водич и херој кој прави мали нешта од огромно значење во развојот и промоцијата на туризмот во регионот за кој веруваме дека на многумина од вас им е непознат.


За оние кои сакаат уште денеска да бидат гости во домот, Ахмед вели дека треба да имаат предвид дека домот е во своја завршна фаза на реновирање. Поставена е нова кујна, има нови простории за ноќевање, ново кулатило со тоалет, летниковец, нови чешми и скара, а во очекување се на нови 15 кревети со кои ќе се комплетира реновирањето.


Доколку има заинтересирани авантуристи и истражувачи кои сакаат да прошетат во Горни Дисан, Ахмед им препорачува тоа да биде еднодневен излет, со што гостите ќе може слободно да ги користат просториите на домот за подготовка на храна и одмор, без притоа да треба да платат за престојот.

Кога сме кај истражувањето на Горни Дисан, Ахмед вели дека планинарското друштво „Free Hikers“ има расчистано и маркирано повеќе планинарски патеки кои се наменети за планинари, рекреативци и љубители на природата.


Сите тие почнуваат, завршуваат или поминуваат покрај планинарскиот дом „Дедо Ило Јанчев”. Една е именувана како „Патека на виното”, започнува од Долни Дисан и продолжува кон околниот венец. Друга оди до „Студена вода”, трета до познатото место „Градот”, а една од патеките минува низ месноста „Орле”, причуена по квалитетно грозје.


Некои од патеките се наменети за искусни планинари, а некои пак за љубителите на прошетките во природа, но она што ги прави сите патеки достапни за уживање се лозовите насади кои го заобиколуваат селото, а од кои се произведува најубавото вино и тиквешката ракија, вели Ахмед.

До селото Горни Дисан можете да се пристигне по асфалтиран пат. Ахмед ги кани сите авантуристи и љубители на природата да бидат гости на Дисанијата, каде тој заедно со неговиот тим како домаќини на планинарскиот дом и искусни планинари ќе им раскажат многу повеќе информации за селото, пределот и историјата.

Да не заборавиме да го истакнеме фактот дека гостите кои ќе го посетат домот, имаат можност да дегустираат вино од локалната семејна винарија „Венец“.

Доколку сакате да стапите во контакт со домаќините, погледнете повеќе фотографии од домот, кликнете ОВДЕ.

Остави Коментар

Прочитајте повеќе

Јануарски тим билдинг со уште една снежна АТВ авантура

Среќни сме што тим-билдинг настаните не се реализираат само на пролет, лето и есен, туку веќе имаме доста тим-билдинг патувања кои ги реализираме и во најстудентие месеци како декември, јануари, а веќе имаме и патувања за февруари.

Дали знаете дека во Македонија може да престојувате во село Раец?

Денеска ве водиме во регионот на Кавадарци, каде на мапата има едно мало селце по име Раец. Позиционирано на надморска височина од 300 метри и опколено со природа, ова селце е идеална викенд дестинација за љубителите на долгите прошетки во природа.

Произведуваме 100% природно масло од лешник и путер од лешник

Приказната на Билјана и Сашо и нивната заложба да произведуваат здраво природно масло од лешник и путер од лешник од денеска е дел од балаклницата на Кајак.мк

Започнуваме со реализација на најдобрите тури со коњи во битолскиот крај

Тури со коњи во регионот на Битола. Ранч во село Кравари. Јавање на коњи на Пелистер. Ранчот во моментот располага со 5 питоми и обучени коњи кои може да ги јават почетници и искусни јавачи.

Промовираме туризам во Македонија преку музика во природа!

Органичените патувања од пандемијата го поттикна македонското акустичното дуо „ChillOut“ да ја промовира убавината на Македонија преку музика.

Најстарата винарија на Балканот се наоѓа во Демир Капија

Доаѓа период на виното и хармонија. Предлог на Кајак.мк за викенд патување