31.10.2022
Тим билдинг со час по готвење, поставување шатори и млеко од магарица
Тим билдинг со час по готвење, поставување шатори и млеко од магарица
Политиката на тимот на Кајак.мк е секој наш тим-билдинг да биде со активности во природа. Ваквиот концепт го градиме врз основа на нашето мислење дека секој вработен заслужува барем еден ден да помине во природа, да ужива на сонце, да ги активира своите мускули преку учење нови места и откривајќи нови дестинации.
Ние постојано велиме дека нема дестинација во Македонија која би била здодевна за тим-билдинг дружење. Секое село, секоја планина, секое ќоше во Македонија има своја уникатна приказна и има по некој локалец кој вреди да го запознаете. Често знаеме да кажеме дека треба да бидеме туристи на начинот на кој локалното население живее, а тоа за наша среќа- НИ УСПЕВА!
Многумина исто така би рекле дека Пониква е здодевна дестинација поради тоа што не нуди многу адреналински атркации, но ние како тим знаеме како да го исполниме слободното време на Пониква со доста активности во природа.
Изминатиот викенд имавме прилика да се дружиме и да бидеме организатори тим-билдинг патувањето на стоматолошката поликлиника „Дентал Арт“, компанија со долгогодишно искуство на пазарот и компанија која има млад и темпераментен тим. Тим спремен за предизвици и натпреварување.
Викендот го искористиме за да ја истражеме Пониква, да ги пронајдеме сите скриени моменти, да испешачиме не еден туку цели шест километри за да стигнеме до нашиот посакуван ручек. Учевме како се поставува шатор во експресно кратко време, а научивме како да подготвиме кочански специјалитети како што се Лапа и Сутлијаш.
Во домот на семејството Алексови бевме топло нагостени со вкусна домашна традиционална храна, а како јаготка на шлагот беше дегустацијата на „Млеко од Магарица“ кое за многумина од групата беше нешто сосема ново. За музиката ни се погрижија дечките од ChillOut кои се веќе дел од нашиот свет кој заедно го градиме.
Ви благодариме „Дентал Арт“ на сонцето. Повеќе фотографии од патувањето, можете да погледнете со еден клик ОВДЕ.
Блог
Препораки
Прочитајте повеќе

Дали сте слушнале за Етно ресторанот Мариово?
Во срцето на Мариoвскиот крај, ресторанот нуди автентична македонска атмосфера и богато мени со локални специјалитети кои ги оживуваат старите рецепти.

Во Македонија се отвори уште една планинска вила достапна на Кајак.мк
Околината е вистински рај за љубителите на планината и авантурите. Гостите можат да уживаат во планинарење, прошетки низ природата и активности кои го исполнуваат телото и духот.

Ново на Охридско езеро: Дрвено буре за уникатен пикник престој
Во бурето ќе најдете брачен кревет и дополнителни поединечни кревети, што овозможува престој за четири лица.

Предлог викенд дестинација: Етно комплекс Македонско село за автентично доживување на Македонија
„Македонско Село“ е жив етно-комплекс каде традиционалната македонска архитектура, рачните ткаенини и вкусната домашна храна создаваат автентично доживување на нашето културно наследство.

Вила во Охрид со приватно џакузи идеална за романтични парови
За романтичарите кои секојдневно пребаруваат сместувања на Кајак.мк имаме нешто ново во нашата база. Станува збор за вила Дишлиевски која е лоцирана во срцето на Охрид и на само 30 метри од кејот на езерото и 500 метри од градот.

Овој рај е во Македонија: Се отвори планински комплекс со дрвени куќички и базен на Билино
Планински дрвени куќички во Македонија со базен на планината Билино.