Ако ви е топло во котлините, појдете на Шара, таму организираме тури со коњи

Од плажа дирекно на планина, таква би била кампањата која тимот на Кајак.мк ќе ја развива во месец август и септември, кога полека ќе завршуваат летните годишни одмори, а ќе имате простор за викенд кој би можел да се помине на планина.

Ние отсекогаш сме го велеле следното: Никогаш не споредувајте море со планина, езеро со река или град со село. Секоја дестинација си има своја убавина и свои придобивки. На вашето телото му е потребно море со хранливите вредности кои ги има морето, но исто така му е потребна и планинска клима која ќе ве ослободи од стресот создаден во текот на цела година.

Затоа, ако веќе сте го реализирале вашиот летен одмор на море, наш совет е да го организирате вашето друштво на планина.

Денеска ве водиме на Шар Планина каде ќе ве запознаеме со Бубе, девојката која е дел од организацијата на тури со коњи низ разни предели на Шара. Бубе вели дека е ја радува фактот што се поголем број на млади луѓе покажуваат интерес да се приклучат на ваквите тури и да ја истражуваат дивината на Шар Планина.

Прекрасното време, зеленилата кои ги опкружуваат патеките по кои се движат коњите и секако вкусната локална храна се само дел од причините кои ги поттикнуваат туристите да резервираат тура со коњи.

На прашањето каде најчесто се релизираат ваквите тури, Бубе вели дека тоа се познатите локации како: Лешница, Плат, прекрасниот Јелак и бачилото каде може да се вкуси локално сирење и кисело млеко.

Турата може да биде до максимум 23 лица, а конткат за резервација на заинтересирани групи можете да добиете со еден клик ОВДЕ.