Се искачив на врвот на Кожуф со мојот велосипед

Во последните денови од годината, ви споделуваме уште неколку интересни и мотивирачки приказни кои се поврзани со туризмот.

Запознајте се со Николчо Ѓоргиев кој живее во Шварцарија. Николчо вели дека е заљубен во планините и велосипедизмот. Таа е нераскинливата комбинација што го оддржува во живот. Некогаш љубавта знае да создаде и тешки ситуации, но како што вели тој, таквите ситуации му дават храброст да гради нови успеси. 

Николчо на луѓето од јужниот дел на Македонија им е добро познат по минатогодишниот настан каде заедно со уште дваесеттина љубители на трчањето и велосипедисти организираа маратон од Струмица до Гевгелија за поддршка на лицата со „Пулмонална хипертензија“.

Николчо вели дека ужива во спортот. Особено кога е под екстремни влијанија. 

Во текот на викендот кој измина и претходниот викенд, тој се искачи со својот професионален велосипед на врвот „Зелен Брег“ на планината Кожуф. 

За да нема недоразбирање, битно е да потенцираме дека не станува збор за обичен велосипед, туку се работи за „Cross country bike“ кој е наменет за маратони.

Николчо вели дека ризикот е огромен. Пред се треба да имаме до знаење дека македонските планини се доста специфични и интересни планини на кои временските услови брзо се менуваат. Кога станува збор за Кожуф планината, таа има одредени стрмни предели за искачување, но има и огромни рамнини под самиот врв каде се прават феномелани фотографии. 

Негово огромно искуство или на некој начин ризик е дуатлонот во Зофинген на кој има учествувано. За него може да се каже дека и ова светско првенство е воедно и највозбудливо. 

Николчо е единствениот македонец кој има учествувано во натпреварувањето. Подготовката, тренингот и стекнувањето кондиција е најважното нешто за успех на вакво натпреварување.

Николчо вели дека за него снего и студот на Кожуф биле причина повеќе за да се искачи со велосипедот. 

Кога е добро времето, врвот „Зелен Брег“ нуди бесконечен поглед кон Грција, гледајќи дел од грчките градови. Од македонска страна, недалеку од врвот се гледа целото Дојранско езеро.

Кожуф е една од поубавите планини во Македонија. На самата планина се наоѓа една модерна ски жичарница и две ски лифта кои во моментот не се во употреба.