Можете да престојувате во планински куќички на Кораб: Незаменливо искуство

Нашиот еко-концепт Кајак.мк ви препорачува една уникатна викенд планинска дестинација наречена „Кораб Трница“ каде имате можност да престојувате во планинските куќички кои се доста луксузно уредени. Во внатрешноста тие располагаат со еден кревет за две лица или два кревети на развлекување.

Сите тие се со сопствен тоалет. Куќичките се романтични и автентични за овој предел од државата.

За сите заинтересирани, овие куќички се наоѓаат во срцето на Горна Река, меѓу високите Кораб, Шара и Бистра, кај многуте расфрлани планински рекички и Радика каде има многу зимзелени дрвја.

Комплексот е оддалечен 5 (пет) километри од Мавровско Езеро, на патот кон Дебар. Комплексот исто така ви нуди можност за одмор во апартмани, соби  и планински куќички со прекрасен поглед кон падините на Кораб, Шара и Бистра.

За гостите комплексот нуди бесплатно користење на велосипеди и риболовна опрема. Располага и со сопствени коњи и организира тури за јавање за почетници. Во комплексот има пешачки патеки и игралиште за деца. За авантуристите, во близина на овие објекти постои и посебен простор за кампување и за шатори, кој е опремен со комплетна инфраструктура. Овој комплекс, освен со сместувачките капацитети, располага и со простории за состаноци и за деловни состаноци.

Посебен акцент се става на ресторанот Кораб Трница во кои гостите можат да ги пробаат највкусните традиционални специјалитети како: Надалеку познатиот качамак со кисело млеко, ѓомлезе, реканските пити, трничка тава.

Информации и резервации на: 076 361 953