Апартманите на Пониква со најромантичнo зимскo зајдисонцe

Еј друштво! Скијачи, патувачи, туристи и не туристи. На Пониква имаме снег. Јеп. Стазите се подготвени за они најмладите кои можеби и за првпат ќе облечат скии на своите нозе.

На Пониква имаме и чист воздух, а имаме и прекрасен поглед. Замислете ја таа комбинација: Снег, скијање и прекрасно сонце. 

За оние кои досега го немаат посетено овој ски центар, препорака од нашиот еко тим е да го додадете на вашата листа на дестинации кои треба задолжително да се посетат.

За искусните скијачи, ски центарот им го препорачуваме повеќе за релаксација отколку за скијање. Додека пак, за оние најмалите скијачи Пониква е дефинитивно правиот избор. 

Ски центарот располага со две стази. Стаза 1 и стаза 3. Стазата 1 е наменета за почетници и е во групата на кратко лесни патеки. Должината на стазата е 300 метри и целата патека е осветлена со рефлектори, секогаш спремна за ноќно скијање. Стаза 3 е наменета за понапредни скијачи и се вбројува во групата на средно/тешки патеки. Таа е долга 700 метри, а првите 200 метри се доста стрмни и тешко ги совладуваат не толку искусните скијачи.

Оние кои не се љубители на скијањето, може да го искористат слободното време за пешачење по патеките кои ги има ски центарот, дегустација на локалната традиционална храна како и фотографирање на убавините на планината.

На ова планина се наоѓаат и апартманите „Котески“ кои имаат преубаво зајдисонце. Апартмани “Котески” располагаат со голем двор со простор се седење, скара и големо заедничко лоби за дневно или вечерно уживање.