Прекрасниот „Гостински Палат“ достапен за резервации

Тимот на Кајак.мк е среќен што од денеска ја проширува својата база на приватни сместувања со прекрасниот „Гостински Палат“ кој се наоѓа во прегратките на планините Бистра и Дешат. Со еден збор, место опколено со Боженствена убавина.

Ова сместување се наоѓа во недопрената природа на националниот парк „Маврово“ кој треба да биде на вашата летна агенда за истражување. Оваа прекрасна околина ги открива и живописните села Галичник, Лазарополе, Гари, Тресонче со својата автентична архитектура и богато културно наследство и прекрасен пејсаж.

Нашите патувачки кои ќе се одлучат да престојуваат овде ќе имаат можност да се запознаат со духовноста и архитектурата на милениумскиот „Бигорски Манастир“, традиционалната храна во етно ресторанот „Куќата на Мијаците“ како и да уживаат во доста активни спортови. За вљубениците во активниот туризам, овде може да ги искачат планинските врвови Крчин и Веливар, да кампуваат во планинските области, да прошетаат до Дуфскиот водопад, да возад велосипед, да појдат на кајакарење пореката Радика и да ги посетат околните езера Маврово и Дебар.

Надворешниот и внатрешен изглед на сместувањето е уникатно скоцкана во стилот на мијачката градителска традиција, се со цел да им го доближи духот на мијачката култура од секој аспект, почнувајќи од местоположбата, амбиентот, историјата и завршувајќи со прекрасниот поглед кој го нуди секоја соба, а тоа е погледот кон планината Дешат и планинскиот врв Крчин.

Доколку сакате повеќе информации за сместувањето, фотографии и контакт за резервација, кликнете ОВДЕ.