07.11.2021
Засадени 5000 дрвца со Комерцијална Банка
Засадени 5000 дрвца со Комерцијална Банка
Еј друштво. Среќни сме да ве информираме дека бројката на засадени дрвца преку нашите тим-билдинг организации се зголеми за нови 5000 засадени дрвца. Вработените на Комерцијална Банка во текот на викендот ги засукаа своите ракави и направија еден огромен чекор кој ќе донесе една поздрава и почиста средина не само за сегашните туку и за идните генерации.
Ваквиот еко тим-билдинг настан го организиравме во регионот на Свети Николе, кој важи за предел со слаби врнежи и недоволна покриеност со шума. Овој настан е дирекно поддржан од јавното претпријатие „Национални Шуми“ каде на самиот терен определен за пошумување беа присутни шумски инженери кои го споделија своето искуство за начинот на садење и ефикасно пошумување на регионот.
Драго ни е што ваквиот чекор кој го направи Комерцијална Банка им овозможи на младите локални извидници од извидничкиот одред „Гоце Делчев“ да поминат еден убав ден во природа, а од друга страна на нашите локални промотори на регионот еден ден исполнет со многу задоволство и среќа.
Како наша локална поддршка за реализација на целодневниот настан беше дирекно инволвиран Никола Ристевски, кој за нас е локален херој кој прави сè за да го развива туризмот во Овчеполието.
Александар Илиќ, кој е Претседател на Синдикалната организација при Комерцијална Банка, вели дека ваквите настани треба да бидат традиција која ќе се почитува секоја година. Според него, со пошумувањето се разубавува изгледот на регионот, а од друга страна пак ваквите акции обезбедуваат здрава иднина на сегашните и идни генерации. Александар вели дека со ова сакаат да ги мотивираат и другите компании да се вклучат на ваков тип на тим-билдинзи кои се општествено корисни за цела нација.
По спроведената акција, тимот на „Комерцијална Банка“ го посети „Ѓуришкиот манастир“ кој е сместен во еден од најубавите предели во околината на Свети Николе, а каде во склоп на комплексот имаа можност да научат како се подготвува и пече домашна светиниколска пастрмалија, а преку секој залак да го вкусат самиот регион.
Драго ни е што се повеќе компании се дел од нашата еко-листа и среќни сме што можеме да ги вклучиме сите наши локални херои кои целиот свој живот го посветиле на градењето на локалниот туризам, а кои заслужуваат да им се даде поддршката во овој тежок период.
Ваквите настани ќе продолжат да се спроведуваат во месеците кога може да се реализира ефикасно пошумување, затоа ве покануваме да се приклучите во нашето еко семејство и да бидете дел од листата на Кајак.мк како компании херои кои дале поддршка на локалното население и на екологијата.
Доколку сакате да испратите барање за организирање на еднодневен или повеќедневен тим билдинг настан, кликнете ОВДЕ.
Повеќе фотографии од настанот може да погледнете ОВДЕ.
Блог
Препораки
Прочитајте повеќе

Матка кањон – идеална викенд дестинација за целото семејство
Матка кањон – срцето на авантурата во Македонија

Дали сте слушнале за Етно ресторанот Мариово?
Во срцето на Мариoвскиот крај, ресторанот нуди автентична македонска атмосфера и богато мени со локални специјалитети кои ги оживуваат старите рецепти.

Во Македонија се отвори уште една планинска вила достапна на Кајак.мк
Околината е вистински рај за љубителите на планината и авантурите. Гостите можат да уживаат во планинарење, прошетки низ природата и активности кои го исполнуваат телото и духот.

Ново на Охридско езеро: Дрвено буре за уникатен пикник престој
Во бурето ќе најдете брачен кревет и дополнителни поединечни кревети, што овозможува престој за четири лица.

Предлог викенд дестинација: Етно комплекс Македонско село за автентично доживување на Македонија
„Македонско Село“ е жив етно-комплекс каде традиционалната македонска архитектура, рачните ткаенини и вкусната домашна храна создаваат автентично доживување на нашето културно наследство.

Вила во Охрид со приватно џакузи идеална за романтични парови
За романтичарите кои секојдневно пребаруваат сместувања на Кајак.мк имаме нешто ново во нашата база. Станува збор за вила Дишлиевски која е лоцирана во срцето на Охрид и на само 30 метри од кејот на езерото и 500 метри од градот.