Селска викендица во село Бадар идеална за цело семејство

За сите вас кои сте заморени од градските вреви и секојдневните обврски кои непрекинато ве опкружуваат, тимот на Кајак.мк прави напорти се со цел да ги пронајде сите селски викендици кои се опкружени со многу зеленила, а во кои можете да побегнете барем на викенд и да ги наполните вашите батерии.

Од денеска нашиот свет го надополнуваме со уште една таква викендичка. Ве водиме во село Бадар, поточно во населбата викана „Зад Град“ во близина на Катлановска Бања, каде запознавме уште едни домаќини кои ни ги отворија вратите за светот на Кајак.мк.

Оваа шармантна викендица располага со две удобни соби, секоја опремена со по еден единечен и еден брачен кревет, што овозможува сместување за до 6 лица. Замислете како утрото се будите со пеење на птиците, а денот го поминувате во недопрена природа, што ја исполнува душата со мир.

Иако викендицата не нуди Wi-Fi, многумина од нашите патувачи/авантуристи велат дека тој момент се покажува како благослов. За оние кои сакаат да се ослободат од дигиталниот свет и да се посветат на вистинските вредности: квалитетно поминато време со саканите лица, прошетки по обележани патеки, или возење велосипед кон Црн Врв се само дел од предлозите кои може да ги уживаат овде. Природата околу Бадар е исполнета со пешачки и велосипедски патеки, идеални за истражување и авантури.

Можете да одвоите време за посета на термалната бања со Спа центар, да го посетите висечкиот мост или да организирате пикник на брегот на реката Пчиња. Секоја активност ви нуди шанса да се поврзите со природата и да заборавите на секојдневниот стрес.

Вашите домашни миленици се исто така добредојдени во викендицата, што ја прави оваа дестинација уште повеќе привлечна за целото семејство. Повеќе информации, фотографии како и опција за Он-лајн резервација можете да најдете со еден клик ОВДЕ.