Дрвена планинска вила со камин и природно езерце во самиот двор

Ако има прашање кое денес често го поставуваме, тоа е прашањето: Каква музика би слушале со вашите најблиски додека престојувате во оваа уникатна планинска дрвена куќа која е изработена од природни материјали? Какви мисли ќе ви поминуваат низ глава додека уживате со чајот во рака и со поглед вперен кон природата која ве опружува или пак кон природното езерце коешто се наоѓа пред самата „Вила Гора“?

Без разлика каков и да е одговорот, тимот на Кајак.мк е среќен што од денеска ви обезбедува уште една уникатна вила на 1050 метри надморска височина и на само еден километар од граничниот премин Делчево.

Регионот кој никогаш не би помислиле дека нуди вакви уникатни сместувања, сега станува атрактивен за многу авантуристи поради планинарските и велосипедски патеки по кои може активно да ги исполните вашето слободно време и секако поради ниските цени кои може да си ги дозволи скоро секој. 

Домаќинот Далибор вели дека објектот во моментот го резервираат луѓе кои сакаат да уживаат во природата, сакаат да ја заменат градската канцеларија со привремена планинска канцеларија од каде ќе може да работат он-лајн.

Она на кое тој е фокусиран во моментот е изградба на визба во карпите каде ќе може да се дегустира вино и ракија, како и изградба на сауна која ќе биде во склоп со објектот.

Вилата има две спални соби, огромен салон од 40 метри квадратни, опремена кујна и купатило. Има wi-fi за луѓето коишто сакаат да работат од лап-топ, а исто така има и прекрасен камин.

Знаеме дека сакате да дознаете повеќе информации за вилата, да погледнете повеќе фотографии и да извршите резервација. За повеќе информации, кликнете ОВДЕ.